 |
|
|
|||||||||||
 |
Ons is nou al meer as 2 weke op die pad. Die Kaap was ‘n dolle gejaag van een interessante ding na die ander. Stukke geskiedenis op mekaar. En mooi. Berge en wingerde en rotsklowe en geboue. Oral was vriendelike mense wat ons met hartlikheid oorlaai het. Ons het gesukkel om by al die werk uit te kom tussen die kuiery deur. Het skaars kans gekry om in die tente te slaap soos wat mense hulle huise vir ons oopgemaak het. |
||||||||||||
Queen bo op Tafelberg . |
25 Des 2008 Barrie, Bennie, Estiaan, Mocke en Sarina.
|
||||||||||||
26 Des 2008 Boks die perde Goodwood toe en kamp op AGS kerk se terrein. Die pad vorentoe is te lank om die perde in swaar stadsverkeer te ry. Sal niks bewys nie. Het so 2km tussen die huise deur gery om by die bestemming aan te kom. |
|||||||||||||
27 en 28 Des 2008 Boks die perde Durbanville toe. Anita en Mart-Marie kom uit Gauteng aan. Ons vou die tente en nuwe gazebos oop en slaan kamp op by die veearts se stalle. Hulle is met vakansie maar ons kry die sleutel vir die huis se badkamers. Dankie tog! |
|||||||||||||
Groot Constantia. |
29 Des 2008 Klipheuwel toe. Dit reën. Die filmspan spring aan die werk. Skiet onderhoude - Groot Constantia, Eskom wind turbines, veilingkrale, vergete grootpad kenner. |
||||||||||||
30 Des 2008 Perde slaap op die wynplaas Ongegund. Skiet onderhoud met die wynboer. |
|||||||||||||
Net buitekant Hermon. |
31 Des 2008 Ons ry Hermon toe, waar ons soos royalty ontvang word. ‘n Kapkar en ‘n spider ry saam met hulle perdjies. Ons is sommer almal nostalgies terug in die verlede. Skiet heerlike footage van waentjies tussen die wingerde. Skiet onderhoud met die karre manne. Skiet onderhoude met 3 van Hermon se kleurryke Kleurling inwoners. Hoor van die Here se getrouheid in moeilike omstandighede. Amper vergeet ons om totsiens te sê vir die ou jaar, maar darem het ons sjampanje om die kampvuur gedrink. Slegte sjampanje wat iemand by ‘n grand wynplaas vir ons verniet gegee het. Ons stuur maar die bottel anyway om. Dis immers nuwe jaar. |
||||||||||||
1 Jan 2009 Nog op Hermon. Die perdemanne rus en die filmspan jaag rond. Riebeeck Kasteel se Royal Hotel. Tulbach wynkelder. Die bergrivier. Moniki sjokolade. ‘n Posboom met ‘n gleuf in sy stam. ‘n Plaas wat die enigste plek is waar ‘n sekere skilpad voorkom. Ons ry rond en soek ‘n skilpad. Verniet. Sal maar op die internet soek later. Ons neem bossies af en ‘n onderhoud met die plaasbestuurder. |
|||||||||||||
2 Jan 2009 Gouda toe. Al langs die treinspoor op die dienspad. Die filmspan ry vooruit Ceres toe, want daar’s ‘n klomp interessante dinge wat wag. Reinhard sluit by die filmspan aan. |
|||||||||||||
Berrie en Queen op die ou treinspoor tussen Wolseley en Ceres. |
3 Jan 2009 Bennie en Tornado sit vas in die drade. Amper is daar groot gemors. Na die ongeluk is altwee aan die bewe en aan die bloei, maar ons loop op die ou treinspoor deur Michell’s pas. Van Wolseley stasie af tot by die ou tolhuis. Reinhard en Mart-Marie durf die hele 10km aan saam met die perde. Mocke en Anita skiet van die pad af. Sarina sit en edit op Ceres. More sal sy weer ‘n beurt kry om die rotse en klowe te beleef. Ons het so baie mense wat ons vir ete nooi dat ons maar die span in 2 deel. Een lot braai fillets en die ander eet potjiekos. |
||||||||||||
Barrie en Queen by die gedenkmuur van die ou Tolhuis in die Michells pas. |
4 Jan 2009 Die perde ry die 6km tot in Ceres. Weer op die ou treinspoor en deur die ou tonnel Hierdie keer loop Sarina saam. Onderhoude met die togryers restaurant en die togryers museum. Terug Paarl toe vir nog ‘n perdekarretjie museum. Taalmonument toe ook. Mart-Marie sê die geskiedenis loop nou al by haar ore uit. |
||||||||||||
5 Jan 2009 Die perdemanne rus en die filmspan ook. Anita en Mart-Marie leer quad bikes ry. Tussen die peerbome van Ceres deur. Ons raak almal lief vir die swart Labrador Kaptein. Met sy skewe kop en al. Almal keer net dat Anita nie honde oplaai so ver ons gaan nie. Veral nie die brandsiekes en onversorgdes nie. |
|||||||||||||
6 Jan 2009 Swaarmoed toe, deur die onder Swaarmoed pas. Filmspan skiet onderhoud met die peerboer en Anita ry alweer vroegoggend al voor die perde uit met die kamera en die koffie. Barrie se bakkie se clutch moet vervang word. Die berge en die horse box was die laaste strooi. |
|||||||||||||
Johannes (wat die skape trek) met sy boeretabak en spookstories. |
7 en 8 Jan 2009 Nou’s ons in Karoopoort – die laaste stukke berge voor die vlaktes begin. Ons bly by die ou huis met die honderde jare oue vyelaning. Skiet onderhoude oor die vyebome en die kersieplaas op pad. Ry langs slaweklokke en murasies verby. Terug Tulbach toe vir ‘n onderhoud oor die aardbewing. Die gans vreet Barrie se Tafelberg mielies terug tot op die grond. Sal hom ‘n ruk vat om oor dit te kom. En die gans moes hol om van die sweep af weg te bly. Almal bel om vir eers totsiens te sê want die selfoonseine is nou weg. Ons praat met kreukelgesig Johannes oor skaap trek tussen die Ceres vallei en die Karoo en hoor van die spookstories van die vlakte. Die wa en perde wat in die middel van die nag rondry en nie spore los nie. En dan gaan jou hond 2 weke later dood. Oor die spokery. Nou’s dit die Karoo in. En dis ysig koud. |
||||||||||||
 |
|
 |
